[港澳台] 台灣也可不戰而屈人之兵 （香港學協會主席　洪清田） - 洪清田

其实好反感樓上果位非黑即白嘅講法，反世宗閣下嘅做法唔等于挺美國，反世宗閣下嘅做法僅僅只係因為世宗閣下做法與歷史潮流相背，好比方無限期連任一事，早在鄧老時代已經畀全面否定，但世宗仍然要做，仲要唔畀人反對，咁做當然要反對，就算鄧老重生，相信佢一定會反對。

現時嘅中國好喜歡將自己當作受害者，成日當美國係施暴者，其實作為普通百姓一員嘅樓上果位，有冇諗過，點解美國唔害英國，唔害日本，點解只會害中國呢？講到競爭力，英國同日本對美國競爭力嘅危害唔會比中國少。或者講係美國嘅霸權主義，假設冇所謂嘅美國霸權，依個世界又會點呢？中國可唔可以完全取代美國現時嘅地位呢？好明顯現時嘅中國冇依個能力，而且如果依個世界若冇咗所謂嘅美國霸權，各個地方嘅霸權只會越來越多，到時世界嘅紛爭只會越來越大，依一點從伊拉克嘅現狀就可以預見到，冇左薩達姆嘅伊拉克，黨派林立，紛爭更多，咁情況仲不如係薩達姆嘅管治下，百姓會更加安樂。

當然依一個可能已經講遠咗，回歸之前嘅問題。貿易戰歸因于美國霸權絕對係有問題嘅，中國自改革開放以來，長期對美國嘅貿易順差先係貿易戰最主要嘅起因，早期，由于美國經濟良好，順差問題對美國自身影響唔大，可以通過其他方面平衡，但到現時，美國亦出現經濟下跌嘅問題，貿易順差問題自然就會提上桌面，依種情況一啲都唔出奇，就比如中共自己嘅腐敗問題，老江時代經濟上行，中共點腐敗老江都可以當睇唔到，更有甚者腐敗埋一份，但到世宗時代，經濟下行，腐敗問題就自然放大，世宗就不得不面對。中共都會係唔同時代對腐敗存在唔同態度，更何況美國係唔同時代對貿易順差有唔同態度呢？依個就係所謂嘅因勢利導。

至于中國係民主集中制嘅講法，更加可笑。中國政府所實行嘅係指定人仕內部嘅民主集中制，係民主討論之前已經否定反對聲音，咁都可以叫作“民主”，當然，應該叫做有“中國特色嘅社會主義民主”；即係無反對聲音嘅“民主”，無反對聲音嘅“民主”亦係一種治理國家嘅方法，好處就係冇人反對，想做乜都得，當年希特拉亦係享有同樣嘅“民主”，想做乜都得，結果就發動咗二戰。當然相信現時嘅世宗閣下暫時都未夠擔有發動戰爭嘅諗法，但佢已經開始有依方面嘅準備，依一點相信樓上果位應該 冇辦法反對。 但無論在下絕大多數中國人都唔希望戰爭重臨。

在下嘅諗法，可以話有部分來自西方嘅理論體系，但又唔完全認同西方，所以唔等同挺美，在下認為權利同義務係一致嘅，簡單講就係有咁耐風流就有咁耐折堕，中國係貿易順差嘅日子太長，得到利益太多，有必要係依次貿易戰中對自己過往嘅做法有所反省，強化國內市場嘅需求，鼓勵出口轉內銷先為正道，而唔係一味同美國死頂，越死頂美國只會越封鎖，結果對美國對中國都冇好處。當然，開發國內市場，作為中國權貴階層嘅第一人，世宗閣下就有必然有向自己人開刀嘅決心，因為現時嘅中國已經冇其他方面可以開刀開源，能否向權貴開刀不僅係對決定中國未來，同時亦決定世宗閣下會唔會成為第二個崇禎皇帝。最后補充一句，到現時為止，世宗只係對政敵開左刀，仲未有向全體權貴開刀嘅跡象，所以係外憂內患下，世宗閣下成為崇禎第二嘅可能性已經越來越高。

真心希望世宗唔會成為崇禎第二，但如果真係到咗果一步，相信全中國人民唔會再原諒中共。