英足盃終於有女評述
作為歷史最悠久嘅盃賽，今屆英足盃會開創先河，就係首次有女性做電視直播現場評述員，佢就係 31歲嘅 Rebecca Lowe（圖）。 Rebecca可以話係半個球圈人，因為丈夫係盧頓領隊，佢話佢都知道男女有別，會有觀眾因為佢係女性而對佢特別挑剔，不過一於全力以赴做到最好。
紅軍送飛夠 cheap皮
利物浦基金會特別送咗各 6張決賽波飛，分別畀當地兩個組織 Tickets for Troops同埋 Help for Heroes。前者係專為軍人提供免費門票，後者則係為服務人員受傷情況下提供協助。雖然兩個組織都對紅軍慷慨贈票表示感謝，但各得 6張分畀邊個好呢？
迪馬續揸車已派彩
摩連奴今季叫做威番次，雖然贏唔到歐聯總算喺西甲贏番個冠軍。據講車路士班主阿巴莫域治，依然希望摩連奴可以回巢，希望可以游說到佢離開皇馬，仲話不惜任何代價咁話。之但係英國 Blue Square博彩公司就有唔同睇法，竟然將迪馬堤奧下季坐正嘅投注提前派彩。
加歷查憂最後決賽利物浦 06年贏英足盃嘅陣容，到今時今日剩番嘅已經唔多， 34歲老將加歷查係其中一分子。雖然已經冇咗正選，但加歷查都好享受再一次隨隊踢決賽：「我自己嘅職業生涯剩番唔多日子，所以每一次都會擔心係最後一次決賽。」
|
發表於 2012-5-5 11:45 AM
| 
