祖記搶客帶旺意乙

首兩輪甲組波冇人吼1 Y. j _: P4 [) U' y4 z: i
祖記搶客帶旺意乙
21/09/2006
窮途未必係末路，絕境也可以逢生！降班意乙祖雲達斯竟然闖出另一片天地，新一季意乙入場人數就因為有佢參加而激增24.5%，相比起意甲下跌情況，自然更加令人期待。贏埋克羅托內祖記，練迪甘斯話明大軍已經完全適應，要搶得足夠分數升班，締造完美「意乙傳奇」指日可待。5.39.217.76: M8 ~( F% [4 n2 }; f; ]* q

祖雲達斯今季被勒令降班，原本所有球圈中人都預計「老婦人」會跌入死局難以翻身，點知最後死卻係意甲。事實上，今季得到祖雲達斯參戰意乙，頭兩輪入場總人數便達十九萬三千六百五十四人，其中次輪九萬二千四百三十位觀眾人數，相較意甲次輪只得十五萬九千七百一十二人，相差只不過六萬多人。

意甲入場人數跌12.9%

意甲頭兩輪入場人數下跌12.9%，祖記幫意乙搶客根本毋庸置疑，一眾意乙小球會自然把握祖記降臨乙組機會發大財，就以前晚該會作客克羅托內之戰為例，雖然波飛價錢係閒時兩倍，但合共萬多張波飛依然早兩日前售罄。與此同時，克羅托內為迎接「老婦人」呢位大豪客，亦刻意進行大裝修，連賽前現場評述員都話，今場波係克羅托內史上最重要戰役。
公仔箱論壇 v6 n! I/ X }* A9 ?" g& x
講番戰況，祖記雖有迪比亞路、查斯古特同時因傷缺陣，但仍然憑保積洛夫梅開二度同保桑入波，以三比○大勝。賽後，練迪甘斯表示：「之前我仲未明白踢意乙係乜一回事，不過依家大家態度都有所改變，學識要用足夠鬥心落場爭勝。」祖記現時三戰兩勝一和，已經追至負十分，只要繼續保持近期上佳演出，唔難實現下季重返意甲目標。

收藏分享評分

回復引用

訂閱 TOP

snail88