港人爭做澳門人皆因風水輪流轉

三十年河東，三十年河西。曾幾何時，香港繁榮昌盛，樣樣勝過澳門，吸引唔少澳門人過埠搵食；可惜時移勢易，香港不斷沉淪，澳門就欣欣向榮，香港人掉番轉頭爭相移居澳門，風水輪流轉，真係一啲都冇講錯。

嗱，澳門政府資料顯示，○八至一○年間，就有超過三千五百名港人申請到澳門居留。點解愈來愈多港人「棄港」？理由好簡單，人望高處，水向低流，香港人用腳投票好正常啫。正如有人話齋，「無論喺邊一方面，香港都不及澳門」。 s) \6 L# x6 L7 A& z% f
係咯，今時今日，講工作環境，講教育制度，講居住條件，講社會福利，講生活質素，香港有邊樣唔輸畀澳門吖？先唔講其他，淨係講還富於民，澳門政府連續五年派錢，皆大歡喜，反觀香港政府孤寒成性，畀人插得多，舊年先至死死氣學人派六千元，仲要派到亂晒大龍，怨聲四起，簡直係笑話。
話時話，澳門政府唔止派錢疏爽，喺教育、住屋及醫療等方面亦已超過香港，愈來愈完善。呢，香港樓價係咁飆升，唔少人望樓興嘆，被迫住劏房住籠屋，提心吊膽，但港府卻關人個關，即使迫於民意答應復建居屋，亦係拖泥帶水，慢條斯理。而喺澳門，政府就主動做嘢，唔止提供廉租屋，而且承諾每年落成一千九百個類似香港居屋嘅經濟房屋單位，以低價出售予居民。
至於教育方面更加冇得比，澳門政府已落實由幼稚園到高中嘅十五年免費教育，而港府就採取拖字訣，以所謂學券敷衍民意，遲遲唔肯推行十五年免費教育。仲有吖，講空氣質素，澳門都勝過香港好多喇，澳門人起碼唔使長期忍受廢氣吖。
學者就講得啱嘞，好多香港人移居澳門，已經對港府敲響警鐘，如果仲唔盡快改善社會及民生問題，等港珠澳大橋落成，澳門吸引力進一步增加，勢必導致香港人才流失。其實，香港人才流失已經唔係一日兩日嘅事，港府淨係識吹水，唔識做嘢，導致香港優勢盡失，愈來愈「居不易」，人才有乜法子唔流失吖。
所以話，唔怕唔識貨，最怕貨比貨。香港澳門同屬特別行政區，同樣實行「一國兩制」，澳門政通人和，發展一日千里，香港就烏煙瘴氣，經濟不進反退，你話點比喎。
講到底，都係人為嘅因素。香港比澳門早回歸，條件本來優勝得多，基礎亦雄厚得多，皆因港府敗家，施政混亂，搞到香港不斷沉淪，一隻會生金蛋嘅肥鵝變成一隻風乾嘅臘鴨，遲早玩完。有人話，來生想做澳門人，其實計功夫茶話齋，唔好等來生喇，今生想做就去做！

1 評分次數

謝謝分享！以此表達對閣下所發 / 回帖謝意 ... TVB + 20 元 功勳 + 20 點

aa00

收藏分享評分

加入【無】寵物家族
開開心心過每一天
有族長奬勵,同族友幫助

回復引用

訂閱 TOP

aa00

資深版主

Rank: 23

資深版主勳章

2^#

發表於 2012-1-31 03:24 PM | 只看該作者

添馬劇場：港人大遷徙
公仔箱論壇! ?9 \2 Y% G: ]. n- I
8 x" ^+ z/ b6 [2 j+ g5 ~! \

TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。) c% y' l8 y* F) i
( I3 [4 G4 ~; H+ q( Z8 p
公仔箱論壇4 G+ u9 D; H6 u) `6 D6 l
tvb now,tvbnow,bttvb7 r4 @& S1 ]8 x" n
5.39.217.760 D% I% [: t( v0 _' u4 ^

tvb now,tvbnow,bttvb, E, H& e# A I3 Z2 x

tvb now,tvbnow,bttvb* n; S8 i0 T% x c: g( |% k4 O
tvb now,tvbnow,bttvb6 \/ E" x& w& o3 K: N8 N! Z
1 p7 L0 X5 [) W% S9 j4 V

公仔箱論壇: X( I4 E& L- D) E/ O; ]; b

回復引用

TOP

返回列表

港人爭做澳門人 皆因風水輪流轉

港人爭做澳門人皆因風水輪流轉