法例甩漏官懶理 送禮隨時變靠害聖誕節乜嘢最吸引？梗係聖誕老人喇。平安夜一覺瞓醒有禮物收，直頭開心到暈。聖誕禮物講心唔講金，禮輕情重吖嘛。不過世事無絕對，今時今日收聖誕禮物，可能要先講「金」o架。
3 v: |( j- N& c( P" Y6 P; H" O千祈咪會錯意，講緊嘅唔係真金白銀，而係後果可能會好甘嘅重金屬。因為紅襪入面嘅禮物，可能係危及健康嘅無形殺手。不過，送禮變靠害絕對唔關聖誕老人事，係政府失職所致。
- E. B: H0 n+ f- I公仔箱論壇有環保組織測試咗市面上超過五十件聖誕禮物嘅重金屬含量，樣本包括手機吊飾、小飾物、相架、銀包等，全部都係聖誕送禮最熱門選擇。測試結果嚇你一跳，大約四成樣本含鉛量超過美國安全標準，其他有毒重金屬例如鋅及鎘嘅含量亦同樣超標。其中一款耳環嘅含鉛量竟然高達百分之九，問你驚未！5.39.217.767 e* R' e# `& \( |) ~# n: q
係人都知，如果有毒重金屬喺體內積聚，會導致多種疾病。好似鉛咁，屬已知神經毒素，根本唔應該喺人體內存在；而鎘就會造成肺損傷、腎衰竭同高血壓等。重金屬亦會導致不育同埋影響兒童腦部發育。呢類物質接觸時間愈長，中招風險愈大。好似手機吊飾、銀包咁，使用者一日接觸無數次，風險之高，可想而知。5.39.217.76. P% E! ^! [: q1 M4 {$ n% O
小小禮物暗藏安全大隱患，弊在政府一直詐傻扮懵，不監不管，根本唔當一回事。環保組織狠批本港法例對消費者保障嚴重不足。家陣話就話有消費品安全條例監管商品嘅化學成分，原來有關條例只係得個空殼，入面竟然連具法律效力嘅安全標準都欠奉。就好似獵人支槍冇裝子彈咁，連空槍都打唔響，仲打乜鬼獵吖。tvb now,tvbnow,bttvb! y2 |$ u5 I0 q* Q1 }: i4 P2 e
查實，除咗聖誕禮物重金屬超標冇監管，市面嘅兒童玩具及用品亦暗藏「殺機」。呢，環保組織前排喺本港測試咗一百件兒童用品，入面有二十三件含有至少一種重金屬，其中一款卡通筆袋嘅含鉛量，超出歐美標準十六倍。( ^; F$ @- P' v( F2 B' Y* Y
最離譜嘅係，本港重金屬監管形同虛設，空氣污染指標同樣落後於人，甚至比第三世界地區更低。好似空氣質素指標咁，依家仲用緊二十幾年前實施嘅「老皇曆」。即使當局迫於公眾壓力，將可吸入懸浮微細粒子PM2.5列入檢測範圍，但建議使用嘅標準，比國際標準高出幾倍，簡直係攞市民嘅健康較飛。tvb now,tvbnow,bttvb6 H T/ Y# ^0 Q! o* I
明知法例甩甩漏漏，安全隱患防不勝防，當局居然翹埋雙手當冇事。計功夫茶話齋，旨意跛腳鴨政府保障市民健康同安全，簡直係嘥氣，不如得閒去沙田車公廟上多炷香好過。 |
發表於 2011-12-15 09:48 AM
| 