放任惡菌傳播 仁濟草菅人命那些年，我們一起捱過的沙士，大家應該記憶猶新。自從沙士一役，香港人個個都知道但凡傳染病必須隔離處理，否則後果堪虞。好嘞，你以為醫護人員吸取咗慘痛教訓咩？錯錯錯！公仔箱論壇- W% A8 @; B1 X, v: M/ V
+ G! F; o; Q1 F2 N# q+ H9 _# K- l仁濟醫院出現驚心動魄嘅嚇人場面，「心臟深切治療部」同「接觸傳播防護區」只係一牆之隔，兩者距離近在咫尺。心臟深切治療部處理嘅係抵抗能力非常之弱嘅病人，至於接觸傳播防護區，處理嘅係抗藥性金黃葡萄球菌病人。大家都知啦，抗藥性金黃葡萄球菌一向被稱為超級惡菌，既可以直接傳播，又可以間接傳播，萬一有抵抗能力非常之弱嘅病人中招，輕則併發症，重則瓜老襯。
/ n, ^5 i" U h+ E- l) X- Y7 ^5.39.217.76兩個病區一牆之隔已經得人驚，更加可怕嘅係仁濟醫院嘅敷衍態度。接觸傳播防護區竟然長期大開中門，病人可以自出自入，醫護人員又冇用上防護措施。記者去過現場視察，防護區雖然貼上「請潔手」告示，又設有酒精搓手液、保護衣以及外科口罩等等，不過出出入入嘅一干人等全部視若無睹，採取保護措施嘅用家係零。
/ f& x- u2 V" t9 m* [# @仁濟醫院發言人荒謬到極，開頭堅持事件係流料，幾經記者再三追問先至證實，今年八月按照醫管局指引調動病床，以十五樓南翼集中處理抗藥性金黃葡萄球菌病人。發言人話喎，已經做好清潔同保護措施，唔會對鄰房病人造成影響。呢嗱嗱嗱，呢家嘢咪就係空口講白話囉。心臟深切治療部嘅病人親眼目睹，記者又現場直擊，接觸傳播防護區無遮無擋不設防，名副其實成個無掩雞籠咁嘅款，你話仁濟醫院唔係放任惡菌自由行都唔得啦！0 V4 R! e$ _6 o' {/ m' U
唉，講起都心傷，當年沙士瘟疫蔓延時，如果唔係醫管局懶懶閒，香港都唔會成為全球死亡率最高嘅重災區，二百九十九條寶貴性命就咁煙消雲散。估唔到事隔只不過八年幾，處理傳染病嘅手法依然係咁兒戲。試想想，一個接受過心臟手術嘅病人，插滿喉管，弱不禁風，居然被推出危機重重嘅惡菌溫床，嗰一種恐怖感覺直情係嚇破膽。難怪病人家屬痛斥院方草菅人命，醫學界人士認為咁嘅安排係嚴重失誤。
' c! X M1 C3 _6 P. W公仔箱論壇當然啦，如果仁濟醫院所言非虛，醫管局都難辭其咎，叫人調動病床搞出一個大頭佛。唔好唔記得，好多杏林聖手冇腦o架，你叫佢調動病床，佢就唔理三七二十一亂咁調。如果杏林聖手有腦，就唔會出現咁多騎呢古怪嘅醫療失誤啦！/ v" F* P' N+ s% [* A7 B* _
點都好，唔該仁濟醫院從速撥亂反正，否則死得人多之時，搵邊一條茂里填命？ |
發表於 2011-11-11 09:35 AM
| 