香港個朵真係畀個「劏」字搞臭晒。劏房已經夠可怕嘅啦，其實黑店劏客，旅客慘變羊牯，更加得人驚吖。) B" l! D. l/ Q- B& v4 I: a% D
早排消委會將兩家以不良銷售手法劏客嘅影音店「示眾」，只不過係冰山一角嘅咋，本報記者直擊發現，不良銷售手法層出不窮，無奇不有，簡直係梗有一間喺左近。呢，有旅客用過萬蚊喺影音店買相機，付款後頂唔住店員疲勞轟炸，焗住要畀多萬幾蚊埋單，旅客發現被騙要求退款，店員居然話當局冇規定零售價，「我鍾意賣五十萬都得」，衰咗仲惡得咁交關，問你服未。
2 n* _) j' z: h- m$ u5.39.217.76另一個例子係，有位女士喺店員「硬銷」下，用兩萬幾蚊買咗五樣影音產品，經行家「格價」後，發現買貴咗超過一倍。旅客喺本報記者陪同下返舖頭據理力爭，雖然最終獲回水部分差價，但佢直言對本港已經失晒信心，唔會介紹親友嚟買嘢。
1 A. c. }: G: q) \2 u% Y公仔箱論壇謀人寺梗有一間喺左近，劏客手法仲與時俱進添。記者發現，除咗呃價，蠱惑店仲有「三大招」，包括「珍珠冚禾稈」，普通品牌長鏡頭加上名牌保護蓋，當貴價貨賣；移形換影拆走包裝盒；掩人耳目用現沽單代替收據，仲要顧客簽名證明對產品同價格「非常滿意」。5.39.217.761 `+ A$ [( X5 K6 E
一粒老鼠屎攪壞一鍋粥，任由行業敗類胡作非為，香港旅遊業點可能有前景吖，「購物天堂」金漆招牌唔掛得幾耐嘅咋。講開又講吖，黑店無處不在，除咗影音店，參茸海味店亦係其中一個旅客勿近嘅重災區。
# v2 k. m+ S) W. V6 G9 ^5.39.217.76有對廣東夫婦早幾日喺尖沙咀一間海味舖選購燕窩同花膠，埋單至發現，兩塊只有手掌大嘅花膠居然要近兩萬蚊，八百蚊一錢，仲貴過黃金，問你怕未。好彩受騙夫婦識得向本報求助，由記者陪同去海味舖理論，最終獲得全數退款。( Z# S( r. e5 N* W
查實「天價」花膠同樣只係冰山一角，消委會今年上半年接獲相關投訴比舊年同期上升超過六成，其中涉及內地旅客嘅同類投訴更升咗超過兩倍。唉，冇法子喇，野火燒不盡，春風吹又生吖嘛，當年央視放蛇踢爆本港黑店劏客內幕，當局賊過興兵打擊咗一輪，之後又冇咗件事，投訴有乜可能唔急增吖。正如有立法會議員批評，當局有法唔執，冇採用放蛇呢類有效措施，加上法例存在漏洞，不法之徒咪有機可乘囉。
% V1 J- s: a5 B" A6 o2 Z& D! u無良商戶變招劏客，肆無忌憚，港府翹埋雙手唔監唔管，關人個關，再咁落去，香港呢個購物天堂遲早變成名副其實嘅羊牯之都，到時唔慌唔明天會更好——難咯！ |
發表於 2011-9-4 05:18 AM
| 
