九月喇！開學喇！學生哥就快唱歌仔「背着那書包上學堂」喇！大家準備好未呀？如果你係在學人士，當然要準備埋頭苦讀啦，如果你係上班一族，咁就要準備早啲起身同一大班小朋友逼車返工。
: H3 L) Q' y+ t若然你係大學生，更加有一件事必須準備妥當，就係解決住宿問題。你知啦，全港七間大學分布不同位置，萬一你入讀位於沙田嘅中文大學而老家又喺港島鴨脷洲，每日山長水遠返學放學肯定將你折磨到不似人形。所以咯喎，大學生好多時候有必要申請入住宿舍。
% e8 W9 f' C$ Q5 A8 ^7 o, ttvb now,tvbnow,bttvb% ]! x1 Q I& [- I& v
之但係非常之咁頭痛，七間大學嘅宿位同樣供不應求。好似科技大學咁吖，原來只能夠滿足七成申請宿位嘅同學，其餘三成要自己諗辦法解決。點樣解決呢？冇理由走去瞓天橋底啩。TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。1 |% [4 ?! w! S. k! N4 j: d2 i
: P' \' R f& I) ? s0 Y X! T# U$ E你都咪話香港人嘅生意頭腦唔靈活，眼見大學一宿難求，鄰近科大嘅村屋業主諗出一條招財妙計，就係將自己名下嘅村屋搖身一變，變成十字 豆腐嘅劏房，租畀無處容身嘅學生哥。本報記者巡視過㗎喇，大埔仔村由於距離科大僅僅五分鐘步行途程，所以成為大學生租住嘅熱門勝地。大埔仔村有人將七百呎單位一劏就劏出四個板間房，每房租金大約三千至三千三百元。地產代理仲話，盤源珍貴，要租快手。
P+ I0 T7 a' o" N5.39.217.76tvb now,tvbnow,bttvb6 ^& N/ q6 ]0 ]6 o( r/ {1 Z6 e; I0 R
至於中大，每名學生只有其中一個學年獲得保證分配宿位，其餘學年都有可能食自己。所以咯喎，中大學生往往被迫蝸居於附近嘅村屋。當然啦，蝸居之處少不免又係劏房，而劏房嘅意思係經過大手改裝，難免會出現潛在危機，例如石屎剝落扑穿頭，或者喉管爆裂跣到一仆一碌。如果你問，萬一火警會唔會逃生無門㗎？功夫茶真係答你唔到，淨係可以求神拜佛祝願大學生，千祈唔好淪為土瓜灣馬頭圍道唐樓劏房大火嘅翻版受害者。
& S9 c- _3 w- K; B; Z" ktvb now,tvbnow,bttvb5.39.217.76& M8 ^0 Z3 N1 [7 |# M% u
唉，大學生都要蝸居劏房，你話香港嘅住屋問題係咪好鬼死嚴峻？一般嚟講，劏房係港產貧民窟，堂堂大學生入住貧民窟係咪有辱斯文？
6 W7 C2 |5 ]6 t% h. K! ktvb now,tvbnow,bttvb- S3 I5 x X- {% r& H4 U
計功夫茶話齋，特區政府真係有責任好好解決人人徬徨嘅住屋問題，不單要興建公屋甚至居屋，同時要撥地畀大學興建宿舍。喂，大學生苦無立錐之地好慘㗎，唔通又要逼到佢哋示威抗議咩？示威抗議都算嘞，一個唔覺意香港公安局又接管校園實施變相戒嚴令，神秘黑衣人將示威學生踢出所謂核心保安區，甚至乎又玩非法禁錮，事後再交由禿鷹一哥發表一連串謬論死雞撐飯蓋，咁就眼冤啦！ |
發表於 2011-8-31 05:13 AM
| 