【東方日報專訊】公立醫院醫生護士人手短缺問題都講咗咁耐日子嘞，醫管局高層到底有冇開動腦筋想辦法解決？食衞局局長周一嶽又有冇踎响廁所苦苦思量度一條絕世好橋？呢班哥哥姐姐腦筋點轉真係冇人知，唯一知道嘅係人手短缺問題非但遲遲未解決，而且害到病人雞毛鴨血！
2 e. U; c4 C3 R" o" P! H公仔箱論壇有一個叫做紫雪嘅十一歲小妹妹，雖然天生大腦癱瘓，不過得到家人萬般寵愛，一直當佢如珠如寶。前年小紫雪發燒，家人將佢送去大埔那打素醫院求診啦，留院三日確診患上豬流感。點不知確診之後一日咁大把，院方居然以病情穩定同冇床位為由叫佢出院。出院之後大鑊嘞，小妹妹再次發燒入院，搶救三日不幸死亡。雖然事隔近兩年，家人仍然氣憤難平，狠批院方過早逼愛女出院，病情惡化又冇醫生即時到場，令愛女枉送性命。TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。3 }+ V3 X: Y, `
嗱嗱嗱，病情惡化都冇醫生救人，過早逼人出院九成係因為七個蓋冚唔掂十五隻杯，你話人手短缺係幾咁大劑！tvb now,tvbnow,bttvb7 x6 O$ t/ X1 R$ d4 W
七個蓋十五隻杯呢個比例係點嚟嘅呢？唔係功夫茶老作o架，護士協會主席李國麟形容現時公立醫院護士同病人嘅比例就係「十五個杯得七個杯蓋」。護士協會訪問過三千五百幾名護士，受訪護士認為急症內科嘅工作量同壓力最大，其次係深切治療部同兒科，通宵更嘅護士同病人比例高達一比二十二至二十四，而國際標準只係一比四至六。
2 B8 u6 y, k; r由此足以說明，護士荒已經非常極之十分嚴重，白衣天使裙拉褲甩嘅工作壓力到達臨界點。有公立醫院內科護士透露，日常工作忙到連病人最基本嘅飲水要求都未能照顧，換尿片可能要等三至四小時，覺得病人尊嚴被剝削。
, Q5 m6 _* D' }( lTVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。醫生比例又點呢？前線醫生聯盟主席謝耀昌指出，醫院夜更編制緊張，醫生對病人比例係一對一百。原來喺香港做醫生要做埋千手觀音，否則無法普度眾生。' b! V, f' `/ @5 e5 G9 G! q
喂，納稅人畀咁多錢公務員出糧為乜呀？為嘅就係打敗仗嘅時候可以入廠大修啫，公立醫院搞到好似戰區醫院咁兵荒馬亂，你叫病人點樣放心畀你開膛切腹做手術呀？萬一入院好似去到鬼屋咁見唔到醫生護士，病人嚇到心慌慌o架！5.39.217.761 l1 i _: T7 g. M f
所以咯喎，真係千唔該萬唔該，唔該醫管局唔好再怠慢人手荒，必須嚴正重視呢一個關乎生死嘅沉重問題。更加有必要唔該嘅係周一嶽，唔該局長從速解決問題，若然江郎才盡真係解決唔到咯喎，唔該借歪退位讓賢，畀機會另一位有能之士濟世為懷，唔該唔該！ |
發表於 2011-4-27 12:00 PM
| 