處理積水搞年幾衙門人多不辦事

出條通識題考吓新高中學生：香港政府有幾多個部門？班細路一定個個擘大口得個窿。其實莫講話學生仔啦，就算係現職公務員碰到咁嘅題目，十個有九個會肥佬。事關港府嘅部門實在太多，乜局物局，這署那處，點數都數唔晒。公仔箱論壇0 C5 E! {! o# s: E* {
不過，如果你見到部門多就以為港府兵強馬壯，辦事效率一流，就真係太傻太天真嘞。實際上，架構愈係疊床架屋，就愈係冇人做嘢。

有辦睇㗎，申訴專員踢爆，有條通去康文署轄下遊樂場嘅專用行人路，每逢落雨路面都積水。有市民打1823熱線電話投訴，先後搵咗七個部門，點知個個都係朗拿度上身，將投訴者當波踢。
5.39.217.76. u% J/ C- J: c/ h7 f% T" z/ B
路政署話條行人路冇街名，佢哋只處理有街名嘅路；地政總署就話，呢條行人路唔屬政府土地；渠務署就話路面積水唔係渠務問題；民政事務總署、食環署更係關人個關。咁康文署呢？條路喺正遊樂場外面，冇得推嘞啩。誰知康文署居然話行人路未納入遊樂場範圍，唔關佢事咁話。唔好玩啦！

路面積水咁小嘅事，多個部門搞咗年幾先至搞掂，係咪好搞笑呢？難怪申訴專員黎年直言，呢單畸士反映前線官員處理投訴欠積極，未能做到以民為本。

其實，咁嘅話申訴專員都唔知講過幾多次嘞，但係康文署署長馮程淑儀等高官批評接受，態度照舊。呢，早前大埔荔枝山村路邊有棵樹，有幾百條毛蟲爬上爬落，村民睇到起晒雞皮，打1823求助，點知警方、食環署、康文署、路政署、地政總署推來推去，冇人肯捉蟲。

有人話，由各部門派人組成聯合機構，咪可以齊心合力囉。講就容易嘅，做就難嘞。嗱，本港好多樓宇都有滲水問題，當局就喺水務署、食環署、屋宇署等部門抽人成立聯合辦事處滲水辦。點知班友離開原部門，變成無王管，蛇王到冇朋友。滲水辦接到投訴，居然半年後先至搵到滲水源頭，等得嚟，蚊都瞓，蛇都死啦！

有人話，可能滲水辦規格唔夠高啫。咁樹木辦規格夠高喇啩，話事人就係政務司司長唐英年，但樹木辦成立以來，冧樹死人嘅事照樣發生！所以話，有問題嘅唔係機構而係人，一條廢柴係廢柴，十條廢柴加起嚟仲係廢柴。

計太一叮話齋，申訴專員都唔好咁勞氣嘞，如果真想解決問題，仲係諗吓點樣精兵簡政，建議政府炒晒嗰啲阻住地球轉嘅庸官啦。叮佢個鎯鎯！

來源：太陽報

收藏分享評分

回復引用

訂閱 TOP

aa00

資深版主

Rank: 23

資深版主勳章

2^#

發表於 2011-4-20 04:42 PM | 只看該作者

本帖最後由 aa00 於 2011-4-20 04:44 PM 編輯
  ]! \  W0 s! ^
來源：《太陽報》* u' ]) f7 h5 v! ?  I

5.39.217.766 q7 }& D7 f$ i% A; m5 G, ^$ s
# R' m& J# v# X  E

0 `5 y3 s. O+ ~1 V

tvb now,tvbnow,bttvb7 V. {4 q# ^5 e* y5 y% R+ s

# g: m  U! o* j$ F# K8 `

附件: 您所在的用戶組無法下載或查看附件

回復引用

TOP

返回列表

處理積水搞年幾 衙門人多不辦事

處理積水搞年幾衙門人多不辦事