好嘢好嘢！勁揪勁揪！車神黃金寶後繼有人咯！香港又多一項體育殊榮！單車好手郭灝霆喺荷蘭舉行嘅世界場地單車錦標賽之中創出驕人成績，男子十五公里捕捉賽力壓意大利以及法國選手，榮膺世界冠軍！TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。5 p# t9 G, Q& P' U
嗱嗱嗱，風之后李麗珊確係講得一啲都冇錯o架，香港運動員絕對唔係垃圾，更加唔係臘鴨！tvb now,tvbnow,bttvb" g6 x* c2 Y- H) U' `
呢一項比賽唔嘢少o架，總共有二十一位車手參戰，鬥足六十個圈，如果被主車群超越一個圈就要出局。二十三歲嘅郭灝霆非常之咁叻仔，全程緊守前列位置，最後階段傾盡全力一衝，咁就衝咗塊金牌光宗耀祖嘞，仲有資格得到一件象徵無敵嘅彩虹戰衣，全港市民都要齊齊豎起大拇指讚一句「香港一定得」！
! t3 Z t9 m- I- a公仔箱論壇今次係繼○七年黃金寶之後，再次有香港選手稱霸世界賽，名副其實係港人之光。郭灝霆賽後感激教練沈金康教導有方，又盛讚大師兄黃金寶係港隊典範，飲水思源嘅君子表現完全唔似家陣滿坑滿谷嘅病態港孩，功夫茶畀佢十個讚！5.39.217.76% j: L% L- m! o4 j* P1 Q, X
咦，咪住先，香港運動員就話唔係垃圾又唔係臘鴨啫，香港官老爺呢？唉，講起就既心酸又火滾，大家應該記得冇耐之前立法會否決咗申辦二○二三年亞運會嘅動議，其中主要原因係民意一面倒反對。民意之所以反對申辦亞運，實在係由於睇唔過眼官老爺只係識得為自己打造政績工程，反而忽略咗支持體育運動。運動場館又唔見你興建，選手培訓又唔見你資助，搵鬼支持你好大喜功為自己臉上貼金咩！tvb now,tvbnow,bttvb# a5 U" [5 h0 {# u$ r2 ?
呢嗱，淨係以香港人最熱愛嘅足球為例，你估特區政府每年向足球總會撥款幾多吖嗱？坐穩呀，聽住喇，區區幾百萬元咁大把，對於成個球壇嚟講簡直係杯水車薪。你知啦，足球總會出晒名管理不善，有錢都未必搞得好，何況係無財不行。所以咯喎，本地足球一潭死水，場場比賽都拍烏蠅。
9 k! g1 V4 g/ K! r& w○九年香港如有神助居然贏得東亞運動會足球冠軍之後，政府話就話要振興足球運動，仲煞有介事整咗個研究報告添，殊不知又係口惠而實不至，一潭死水繼續係死水一潭。
3 k. }9 X- h8 j. c' V計功夫茶話齋，香港運動員唔係冇潛質o架，不過千里馬都要有伯樂先至得。民政事務局局長曾德成若然有興趣申辦亞運，唔係話唔得，積極支持體育先啦，若然再多幾個李麗珊、黃金寶同郭灝霆之類嘅金牌選手，你一吹雞，一呼百應！tvb now,tvbnow,bttvb K3 s+ h5 n% y7 o
即係咁，世界冠軍不嫌多，支持體育恨太少，唔該德成局長即使做唔成伯樂都唔好糟蹋人才！ |
發表於 2011-3-25 08:19 PM
| 
