奇怪奇怪真奇怪！日本內閣官房長官枝野幸男不眠不休公布災情，贏得國民一致讚許，唔少網民請佢「不要太辛苦了」，「枝野快睡」成為推特嘅時髦標籤。香港雖然冇災冇難，但公立醫院班醫生一樣好關心頂頭上司食物及衞生局局長周一嶽嘅健康，佢哋整咗一張海報，大大隻字寫住「周局長，你累了，請你下台回家睡」，真係好窩心呀！究竟周一嶽做咗啲咩「好事」，可以得到下屬咁親切嘅「慰問」呢？公仔箱論壇7 d ~; E1 x- V, H
" Z* l# e9 A+ o. [( @6 @. R2 w
即係咁，屯門醫院上月爆發醫生逃亡潮，觸發前線醫生大控訴，甚至揚言發起工業行動，眼見火燒後欄，醫管局高層匆忙撲火，終於喺上周五同醫生工會達成多項協議，但最具爭議性嘅晉升制度同通宵當值津貼依然未傾掂數。本來呢，萬大事都有商量，醫管局承諾下月中再諮詢全體醫生，兩大工會亦同意暫時按兵不動。公仔箱論壇. f( u$ ?0 r u+ V4 g. ]
衰就衰在風頭火勢之際，周一嶽講咗一番好惹火嘅說話，話喺有關安排上，當局已經作出好大讓步，而專業嘅醫生應該以病人利益為重，唔應該為加時補水斤斤計較。結果，撲火不成反添亂，醫生逃亡潮搞搞吓變成「倒周潮」，公院醫生群情洶湧，紛紛喺網上群組大鬧周一嶽抹黑醫生，除咗要求佢道歉，仲要佢就無力解決人手不足問題下台謝罪。; q" d" g% a* Y! t
講到底，懸壺濟世係一回事，爭取權益又係另一回事。周一嶽將專業操守同加時補水混為一談，講到啲醫生好似見錢眼開咁，人哋唔就奇啦！tvb now,tvbnow,bttvb5 B- h. Q& n# W3 D
不如聽吓啲醫生點講先啦。佢哋舉咗幾個例子：一位老伯患咗十三種長期疾病，但門診醫生每次只得三分鐘幫佢睇病；一位患肺炎嘅婆婆徘徊生死邊緣，但主診醫生兩小時內要巡二十九個病人……可見前線醫生唔止爭取自己權益，亦係為病人安全着想，周一嶽要求佢哋以病人利益為重，但佢本人有冇以病人利益為重，切切實實解決問題呢？
' `' X# A) S5 ?- Z! |! M4 u唉，公立醫院人手持續流失，搞到七個蓋冚十個煲，前線醫護做到冇停手，呢個情況長期存在，功夫茶都講過Ｎ咁多次，但當局就好似借咗聾耳陳隻耳咁，始終冇認真解決問題。周一嶽話前線醫生斤斤計較，但醫護人手不足影響服務質素，甚至造成醫療事故，市民應該同邊個計較呢？講真吖，如果唔係港府有責不問，周一嶽早就要下台謝罪啦。
. u7 E5 l+ H( s. L2 n# ETVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。慶父不死，魯難未已，近年喺周一嶽管理下，本港公立醫院好似變咗災區咁，醫生逃亡，護士逃亡，最近連放射技師亦開始逃亡，舊年至今年一月已經走咗二十二個，今年二月再走七個，再咁落去，公立醫院遲早走光光。
0 k6 m4 e% H' v2 T3 B公仔箱論壇為大局着想，周一嶽確實應該下台返屋企瞓覺。不過，瞓之前記得向醫生同市民道歉呀！
+ r7 {- h( ?, a* w) r公仔箱論壇 公仔箱論壇; u. ^2 O7 r5 A4 u" m; O, b
來源：東方日報 |
發表於 2011-3-22 12:33 PM
| 