[美食介紹] 北海道限定朱古力

人越來越大，越覺得聖誕氣氛越來越淡，自從屋企多咗隻化骨龍，聖誕樹、朱古力、聖誕蛋糕絕對唔可以少，趁 Royce最近推出嘅聖誕限定版朱古力，一於掃定貨，其中有最啱囝囝嘅係「日曆朱古力」，成盒有 39塊朱古力，一日一粒，幫囝囝倒數聖誕嘅來臨。除咗日曆，仲有盒連我都鍾意嘅「小孩至愛精選」，入面有堅果朱古力、曲奇、純朱古力、朱古力威化、杏仁朱古力等 13款，有齊咁多款北海道朱古力，相信今個聖誕，一定好滿足。