[時事討論] 六合賭禍害人死　官奸勾結必國亡

記唔記得大概一個星期之前，廣州發生驚天動地槍擊案？一名懷疑精神有問題嘅男子，手持槍械爆炸品同公安對峙十小時，期間傳出卜卜槍聲，最後公安將對方擊斃。到底發生乜嘢事呢？本來撲朔迷離，家陣真相大白，原來又係地下六合彩害到賭徒走上不歸路！
公仔箱論壇: u6 u. }" m9 U( `1 t

死者叫陳國勝，根據遺孀透露，佢原本好聰明，經營運輸業逐漸致富，不過，自從接觸過地下六合彩之後就成個人變晒，輸光二十萬積蓄不特止，性格仲開始失常。先係大吵大鬧，然後聲稱「惡魔追殺」，陳國勝終於槍傷公安，引發震撼廣州嘅槍擊案，連命都輸埋。5.39.217.76) }+ y. t) z) |& S
唔好以為呢一單血案係個別事件，其實類似慘劇多不勝數，總之就係賭到傾家蕩產、家破人亡不知凡幾。所以話啫，內地無孔不入嘅地下六合彩簡直就係一個世紀之前禍國殃民嘅鴉片，害到中國同胞變成東亞病夫。
既然賭禍荼毒咁深，內地政府係咪應該取締呀？呢嗱，奇就奇在執法人員放軟手腳，開賭莊家賺到眉開眼笑。好似走私港產六合彩報咁吖，猖獗到呢，十足冇掩雞籠。更加莫名其妙嘅係，涉嫌以六合彩報大發黑心財嘅居然係共產黨眼中釘，反中亂港出晒名嘅淫賤黎。公仔箱論壇1 I% j/ s# o) T# g7 Y0 n
前幾日喎，香港警方喺大埔截獲二萬八千份準備走私去內地嘅六合彩報《創富》，呢份《創富》係原本由淫賤黎擔任董事公司承印嘅三份六合彩報之一，之不過，唔知係有人發覺唔對路定係點，三報承印人鬼鬼祟祟改咗名。但奇怪嘅係，官方註冊嘅承印人仍然係淫賤黎擔任董事嘅公司，咁即係涉嫌違反《本地報刊註冊條例》啦，影視處究竟點監管㗎！
點都好啦，即使承印人改咗名，淫賤黎旗下公司曾經承印《創富》、《貼士皇》及《六合皇》三份六合彩報係不爭事實，而呢三份六合彩報又係「走私常客」，源源不絕送到內地賭徒手上。
六合彩報喺香港係「合法印刷、非法出境」，喺內地就係「非法入境、公然販賣」。有人問，點解可以明目張膽公然販賣嘅呢？關於呢個問題，功夫茶醒你四粒字：官奸勾結。
呢嗱，就咁，假設你係依靠地下六合彩謀取暴利嘅吸血鬼，你如果冇賄賂過貪官污吏，你敢唔敢咁明目張膽吖？甚至乎，你有必要同各路綠林好漢打通關節，一環扣一環造成地下賭國，將千千萬萬賭徒一網打盡，殺個片甲不留！TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。! f9 e7 A% t* w6 G8 S
吖，講到一網打盡，家陣除咗實物版六合彩報之外，竟然仲有網上電子版入侵千家萬戶，名副其實大網垂天，驚你唔死嗰隻。公仔箱論壇# b0 c- m8 D- b; w
唉，國之將亡，必有妖孽，的而且確冇講錯㗎。大清帝國之亡，其中一隻妖孽係鴉片，輪到今時今日嘅中華人民共和國，你以為真係中華盛世呀？你以為真係大國崛起咩？廣州槍擊案有辦你睇，同鴉片不遑多讓嘅地下六合彩賭禍絕對足以殺人。至於賭禍背後嘅官奸勾結，更加係亡黨亡國嘅計時炸彈。4 \$ H2 E& X& n% U& T5 D
喂喂喂，記唔記得湖南永州有人闖入法院槍殺三名法官之後，老百姓竟然拍爛手掌，殺官兇徒做咗人民英雄？你試下繼續縱容官奸勾結吖，你試下一路包庇六合賭禍吖，今日害人死，明日必國亡！ y7 n, S! b( A4 W
本文連結 : http://orientaldaily.on.cc/cnt/news/20100611/00190_001.html

收藏分享評分

咋日己逝,明日是迷,
面對今天,盡力而為.

回復引用

訂閱 TOP

返回列表

[時事討論] 六合賭禍害人死 官奸勾結必國亡

[時事討論] 六合賭禍害人死　官奸勾結必國亡